Spá 13-18 stiga frosti í borginni
Setja bókamerki
/frimg/1/53/84/1538487.jpg)
Íbúar höfuðborgarsvæðisins geta átt von á töluverðum kulda um helgina þar sem frost getur farið niður í 13 til 18 stig.
Eiríkur Örn Jóhannesson, veðurfræðingur á Veðurstofu Íslands, segir í samtali við mbl.is að þrátt fyrir töluvert frost megi gera ráð fyrir bjartviðri og norðlægri átt sem verður þó ekki mjög hvöss.
Hann segir lægðina sem gengur nú yfir sunnan- og vestanvert landið koma frá Grænlandsjökli en þegar sú lægð fer að hreyfast í burtu dregur hún með sér norðlægari áttir frá Norður-Íshafi og kuldann í kjölfarið.
Tveggja stafa tala um áramótin
Aðspurður segir Eiríkur líklegt að kuldinn verði viðvarandi fram á nýtt ár og geta íbúar höfuðborgarsvæðisins gert ráð fyrir því að ganga inn í komandi ár með frost í tveggja stafa tölu.
„Þetta er orðið talsvert frost og ekki eitthvað sem við sjáum vikulega eða mánaðarlega hérna í borginni,“ segir Eiríkur.
Segir umsókn að ESB vera óvirka
Björgunarsveitir kallaðar út í nótt
KEF Spa: „Eitthvað sem þú hefur ekki séð áður“
Ekkert ferðaveður og vegalokanir á jóladag
Spá 13-18 stiga frosti í borginni
Feðgar saman í Grænlandstúr á jólum
Ofmeta sparnað í stjórnarráðinu
Óveður heldur Holtavörðuheiði lokaðri