Sex fluttir með þyrlunni og þar af eitt barn
Birta Hannesdóttir
Setja bókamerki
Sex einstaklingar voru fluttir með þyrlu Landhelgisgæslunnar til Reykjavíkur eftir árekstur sem varð við Fagurhólsmýri í Öræfum rétt fyrir klukkan 13 í dag.
Þyrlan lenti við Fagurhólsmýri og voru sex einstaklingar fluttir með þyrlunni. Aðeins tveir voru fluttir á Landspítalann til frekari aðhlynningar en hinir fjórir voru með minni háttar meiðsli, að sögn Garðars Más Garðarssonar, aðalvarðstjóra hjá lögreglunni á Suðurlandi, í samtali við mbl.is
Aðspurður segir hann að þeir fjórir sem ekki hlutu alvarlega áverka hafi verið fluttir með þyrlunni þar sem hún hafði flutningsgetu.
Eitt barn í öðrum bílnum
Tveir bílar rákust saman og voru alls sex manns um borð, þrír í hvorum bíl. Einstaklingarnir voru allir erlendir ferðamenn.
Eitt barn var í öðrum bílnum en það hlaut ekki alvarlega áverka. Garðar hafði ekki upplýsingar um aldur barnsins.
Bílarnir tveir urðu fyrir miklu tjóni og eru óökuhæfir.
Uppfært klukkan 17:05
Upphaflega var greint frá því að tveir hefðu verið fluttir með þyrlunni en síðar fengust upplýsingar um að allir sex farþegarnir hefðu verið fluttir til Reykjavíkur með þyrlunni.
Var að slitna frá bryggju sökum hvassviðris
Éljagangur en síðan slydda eða rigning
Fuglager í Grindavík: „Þetta var bara pínu magnað“
38 létust í flugslysi
Æskuvinir sem fóru í víninnflutning frá Georgíu
Hellisheiði og Þrengsli ekki opnuð í dag
Ekkert ferðaveður og vegalokanir á jóladag
„Við munum grípa inn í“