Landsmenn vildu svör um Tyrkjaránið og starfsstjórn
Setja bókamerki
Tengdar fréttir
Eldvirkni á Reykjanesskaga
Á árinu virtust Íslendingar helst vilja fá svör um fjölda og stærð eldgosa á Reykjanesskaga, uppgreiðslu lána, hvað starfsstjórn sé og hvort svonefndir Tyrkjaránsmenn hafi eignast börn með íslenskum konum, miðað við mest lesnu svör ársins á Vísindavefnum.
Ár hvert taka umsjónarmenn Vísindavefs Háskóla Íslands saman mest lesnu svörin en vefurinn geymir stórt safn svara fræðimanna um ólík málefni og birtast ný svör við spurningum lesenda í hverri viku.
Eldsumbrotin á Reykjanesskaga eru enn ofarlega í huga fólks en málefnið var ekki jafn vinsælt þetta árið og árið á undan en þá voru þrjú af fimm mest lesnu svörum vefsins tengd málefninu.
Stjórnmálafræðin senuþjófur ársins
Svör um kosningar og stjórnmál hafa sjaldan eða aldrei verið meira lesin á Vísindavefnum og í ár og er stjórnmálafræðin senuþjófur ársins að mati ritstjórnar vefsins.
Ástæðan fyrir áhuga lesenda á stjórnmálafræðinni er talin vera að bæði vera vegna kosninganna um nýjan forseta og til Alþingis hérlendis, auk þess sem kosið var um nýjan forseta Bandaríkjanna.
Fjögur mest lesnu svörin um stjórnmálafræðina tengjast svörum um yfirgripsmikil hugtök stjórnmálafræðinnar líkt og lýðræði, fasisma og popúlisma. Þá höfðu lesendur einnig áhuga á kosningakerfinu á Íslandi og valdsviði og launakjörum forseta Íslands.
Árlegar heimsóknir á vefinn á árinu voru tvær og hálf milljón og árlegar flettingar rúmar þrjár milljónir, sem er svipað og hefur verið síðustu ár. Gert er ráð fyrir að um 13% þjóðarinnar heimsæki vefinn í hverri viku.
Tengdar fréttir
Eldvirkni á Reykjanesskaga
Álíta Ísland ekki umsóknarríki
Rúta með yfir 20 farþegum fór út af vegi
Heitar sturtur skaðlegar: Mælt með moðvolgu vatni
Vélarbilun hjá Play setur áramótin í uppnám
„Þetta mun allt enda með ósköpum“
Ók í gegnum rúðu og reyndi að nema banka á brott
„Guð forði okkur frá því“ að Ísland missi tengslin
Björgunarsveitir kallaðar út fyrir norðan
