Hætt við að Hellisheiði verði ófær
Setja bókamerki
Hætt er við því að Hellisheiðin verði ófær í kvöld og nótt vegna hríðarveðurs sem þar á að ganga yfir.
Þetta segir Elva Brá Bjarkadóttir hjá umferðarþjónustu Vegagerðarinnar.
Hún segir aðstæður einnig varasamar við Mýrdalssand í kvöld.
Gular viðvaranir gefnar út
Í samtali við mbl.is segir Elva að Hellisheiðin sé ágæt um þessar mundir. Hálka sé þó á veginum og mögulega einhver skafrenningur.
Veðurstofa Íslands hefur gefið út gular viðvaranir á Suðvesturlandi og Suðurlandi sem munu taka gildi klukkan 20 og 22 í kvöld og ná fram á morgun. Setur það spurningarmerki við hvort heiðin verði fær seinna í kvöld.
Elva segir að hætt sé við því að það verði ófært en Vegagerðin muni reyna að halda heiðinni opinni.
Hætta að þjónusta klukkan hálftíu í kvöld
Þá er vindurinn að aukast, sérstaklega undir Hafnarfjalli þar sem hann hefur verið að slá upp í 28 m/s í hviðum og má búast við skafrenningi þar í kvöld.
Elva minnir á að Vegagerðin hætti að þjónusta veginn klukkan hálftíu í kvöld. Eftir þann tíma verði spurning um hvort vegurinn verði fær.
Lát hjóna í Neskaupstað: Ákærður fyrir að myrða hjón með hamri
Sérsveitin kölluð til: Einn í lífshættu
Fluttur af gjörgæslu eftir hnífaárás
Tíu látnir eftir að bíl var ekið á mannfjölda
Kjaraviðræður kennara „seinlegt verkefni“
Tvær sprengjur fundust í New Orleans
Ísland taki virkan þátt í öryggis- og varnarmálum