Gera má ráð fyrir hálku
Setja bókamerki
Töluverð úrkoma verður í dag og eitthvað hlýrra en hefur verið síðustu daga. Þetta segir veðurfræðingur Veðurstofunnar í samtali við mbl.is.
Kólna taki þó aftur á morgun og sökum þess megi gera ráð fyrir hálku í umferðinni, aðallega í nótt og í fyrramálið.
Ekki sé annars mikil úrkoma í kortunum um helgina. Dálítil él verði fyrir norðan en almennt þurrt og bjart á öðrum stöðum á landinu.
Veðurhorfur næstu daga
Á sunnudag og mánudag verður frost um 4 til 12 stig. Þá verða um 8-18 m/s og él fyrir norðan en hvassast austan til. Yfirleitt verður þurrt sunnan heiða.
Á þriðjudag breytist hitastig lítið. Það verður minnkandi norðlæg átt, 5-13 m/s seinnipartinn. Bjart veður með köflum, en dálítil él austast og vestast á landinu.
Á miðvikudag verður kalt í veðri. Norðlæg eða breytileg átt, skýjað og dálítil él norðaustan til. Bjart verður að mestu sunnanlands.
Á fimmtudag verður talsvert frost víða um landið. Þá verður suðlæg eða breytileg átt og yfirleitt bjart, en skýjað vestanlands.
Aldrei fleiri útlendingar afplánað dóm á Íslandi
Glódís Perla íþróttamaður ársins
Óvíst hvað gerist þegar fer að hlýna
Ég hef aldrei verið jafn hamingjusamur
Hægt að þétta byggð á betri hátt
Binda enda á 63 ára útgerðarsögu