Stefanía aðstoðar Hönnu Katrínu
Stefanía Sigurðardóttir.
Ljósmynd/Stjórnarráðið
Setja bókamerki
Hanna Katrín Friðriksson atvinnuvegaráðherra hefur ráðið Stefaníu Sigurðardóttur sem aðstoðarmann sinn.
Stefanía útskrifaðist með BA-gráðu í listrænni viðburðastjórnun árið 2011 frá Rose Bruford College í Lundúnum. Þar var hún fyrst erlendra nema í skólanum kosin forseti stúdentaráðs skólans, að því er segir í tilkynningu.
Stefanía hefur starfað sem framkvæmdastjóri þingflokks Viðreisnar en starfaði áður sem verkefnastjóri viðburða á markaðssviði Háskólans í Reykjavík.
Hún hefur einnig unnið við viðburðastjórnun, markaðsmál og ferðaþjónustu. Hún var jafnframt í kosningastjórn Viðreisnar í nýliðnum kosningum og í kosningastjórn Guðna Th. Jóhannessonar, fyrrverandi forseta Íslands. Stefanía hefur þegar tekið til starfa.
Inflúensan sækir í sig veðrið
Óvíst hvað gerist þegar fer að hlýna
Hljóta að sjá að ekki sé hægt að stoppa þetta
Sannfærð um að „gullmolar“ leynist í tillögunum
Ekki alltaf tekist að manna bráðavakt lækna
Tveir fluttir á slysadeild eftir árekstur