Í dag er útlit fyrir norðlæga eða breytilega átt, yfirleitt á bilinu 3-10 m/s sem er fremur hægur vindur. Víða verður léttskýjað, en á norðaustanverðu landinu skýjað að mestu og sums staðar lítils háttar él á þeim slóðum.

„Það er að kólna hjá okkur og síðdegis verður algengt að frost verði á bilinu 5 til 15 stig, sums staðar nær að kólna enn meira í hægum vindi og heiðríkju,“ segir í hugleiðingum veðurfræðings á Veðurstofu Íslands. 

Á morgun gengur í norðan strekking með éljagangi norðan- og austanlands, jafnvel má búast við samfelldri snjókomu um tíma á Norðausturlandi.

Sunnan heiða er útlit fyrir þurrt og bjart veður. Áfram verður kalt í veðri.

Veðurvefur mbl.is. 

Tengdar fréttir

Veður

Léttskýjað sunnan heiða

• Gera má ráð fyrir hálku
• Slydda eða snjókoma sunnanlands
• Stutt hlákuskeið í kortunum
• Ísstíflur viðvarandi

» Fleiri tengdar fréttir

• Blogga um frétt