Vindur gæti sett strik í reikninginn

Hugsanlegt er að vindur gæti sett strik í reikninginn í sambandi við þrettándabrennur sem hafa verið auglýstar víða um land í dag og í kvöld.

Katrín Agla Tómasdóttir, veðurfræðingur á Veðurstofu Íslands, segir að draga eigi úr vindi víða á landinu í kvöld. Hún segir að í dag verði 10-15 m/s en í kvöld verður vindur hægari nema á austanverðu landinu, á Austfjörðum og Suðausturlandi. Þar verður nokkuð hvasst og eins gæti orðið strekkingsvindur af norðri á vestanverðu höfuðborgarsvæðinu.

Frétt af mbl.is

Munu kýrnar tala mannamál?

Meðal þeirra staða sem hafa auglýst þrettándabrennur er Akranes, Borgarnes, Fjallabyggð, Dalvík, Egilsstaðir, Reykjanesbær, Hafnarfjörður og Mosfellsbær.

Katrín segir að útlit sé fyrir bjartviðri á sunnan- og vestanverðu landinu en spáð er éljagangi fyrir norðan og austan. Hún segir að frost á höfuðborgarsvæðinu geti náð allt að tíu stigum í kvöld og því sé um að gera að klæða sig vel ef fólk ætli að fara að sjá þrettándabrennurnar því vindkælingin geti orðið talsverð.

• Blogga um frétt