Ákærðir fyrir 100 milljóna skattalagabrot

Tveir karlmenn hafa verið ákærðir fyrir skattalagabrot upp á tæplega 100 milljónir í rekstri einkahlutafélags sem þeir stýrðu.

Áttu brotin sem mennirnir eru ákærðir fyrir sér stað árin 2019 og 2020.

Í ákæru embættis héraðssaksóknara kemur fram að ekki hafi verið staðið skil á samtals 40,7 milljóna króna virðisaukaskatti á umræddu tímabili.

Þá segir í ákærunni að mennirnir hafi heldur ekki staðið skil á staðgreiðslu opinberra gjalda á sama tímabili, en um er að ræða 28.6 milljónir hjá öðrum manninum og 28,3 milljónir hjá hinum. Samtals nema því meint brot mannanna tæplega 98 milljónum króna.

• Blogga um frétt