Matvælakjallarinn kominn á sölu
Setja bókamerki
Ríflega 360 fermetra lagerhúsnæði við Sóltún 20 í Reykjavík er komið á sölu.
Húsnæðið komst fyrst í fréttir haustið 2023 þegar Morgunblaðið greindi frá fordæmalausri aðgerð heilbrigðiseftirlitsins vegna matvælalagers sem fannst í kjallara húsnæðisins.
Málið átti eftir að vinda verulega upp á sig, en lagerinn var í eigu athafnamannsins Quang Lé sem var með kjallara húsnæðisins á leigu.
Útrunnin matvæli, rottur og koddar
Útrunnin matvæli voru geymd í kjallaranum og lék grunur á að matvælin væru notuð á veitingastöðum í eigu athafnamannsins.
Þá voru einnig rottur, mýs og úrgangur eftir nagdýrin á víð og dreif um kjallarann.
Quang Lé sætir nú rannsókn vegna hugsanlegs mansals en á lagernum fundust einnig dýnur, koddar og tjald, svo fátt eitt sé nefnt. Er talið að starfsmenn Quang Lé hafi hafst við í kjallaranum.
Borgarstjóri LA virti blaðamenn að vettugi
Framsókn í Reykjavík vill flokksþing
Vildu yfirráð Íslands á Grænlandi
Lús smitar út frá kvíum í villta laxa
Bændur bíða enn bóta vegna tjóns
Tvöföld spurn eftir leyfum í Elliðaánum
Matvælakjallarinn kominn á sölu