Níu alþingismenn hafa verið tilnefndir í undirbúningsnefnd Alþingis vegna rannsóknar síðustu þingkosninga, en nefndin mun á morgun fá til meðferðar umsögn landskjörstjórnar um framkvæmd kosninganna.

Í umsögninni verður m.a. tekin afstaða til tveggja kærumála vegna framkvæmdar kosninganna í Suðvesturkjördæmi, en bæði Framsóknarflokkurinn og Píratar kærðu framkvæmdina. Þá mun landskjörstjórn í umsögn sinni einnig fjalla um þau tilvik þar sem atkvæði greidd utan kjörfundar skiluðu sér ekki til talningar.

Samkvæmt upplýsingum frá skrifstofu Alþingis eru þessir þingmenn í nefndinni:

Dagur B. Eggertsson, Samfylkingu, Hildur Sverrisdóttir, Sjálfstæðisflokki, Eiríkur Björn Björgvinsson, Viðreisn, Ragnar Þór Ingólfsson, Flokki fólksins, Sigríður Á. Andersen, Miðflokki, Kristján Þórður Snæbjarnarson, Samfylkingu, Vilhjálmur Árnason, Sjálfstæðisflokki, María Rut Kristinsdóttir, Viðreisn og Ingibjörg Isaksen, Framsóknarflokki.

Starfandi forseti Alþingis, Ásthildur Lóa Þórsdóttir sem einnig er mennta- og barnamálaráðherra, kveður nefndina saman til fyrsta fundar og þar mun hún kjósa sér formann.

Tengdar fréttir

Alþingi

Koma ný inn í stjórn þingflokksins

• Guðríður og Jón ráðin aðstoðarmenn Ölmu Möller
• Dagur verði aldrei aukaleikari í pólitík
• Kynntu þingmálin fyrir stjórnarþingmönnum
• Vonast til að kynna hagræðingaraðgerðir í vor

» Fleiri tengdar fréttir

Alþingiskosningar 2024

Tæpur hálfur milljarður í ýmsan kostnað þingmanna

• Vill láta telja atkvæðin sem fóru í súginn
• Þarf að tryggja að atkvæði skili sér á kjörstað
• Atkvæði urðu innlyksa í Kópavogi
• Óljóst hvenær Alþingi kemur saman

» Fleiri tengdar fréttir

• Blogga um frétt