Ákvörðun um áfrýjun hjá Landsvirkjun
Setja bókamerki
Kristrún Frostadóttir forsætisráðherra segir að bregðast þurfi við nýlegum dómi héraðsdóms, um ógildingu virkjunarleyfis í Hvammsvirkjun til handa Landsvirkjun, með ábyrgum hætti.
Kannski sé þó ábyrgast á þessum tímapunkti að segja sem minnst að hennar sögn. Dómurinn sé nýfallinn og að leyfa þurfi umhverfis-, orku og loftslagsráðherra og hans ráðuneyti að fara yfir málið. Þá segir hún ríkislögmann einnig fara yfir dóminn en í höndum Landsvirkjunar hvort honum verði áfrýjað.
Ríkisstjórnin leggi mikla áherslu á orkumál
Jóhann Páll Jóhannsson, umhverfis-, orku- og loftslagsráðherra, hefur sagt möguleikann á nokkurra ára seinkun á gangsetningu virkjunarinnar vegna dómsins vera óþolanlega niðurstöðu.
Ríkisstjórn Kristrúnar leggur mikla áherslu á að komast áfram í orkumálum á kjörtímabilinu. „Að við sjáum aukna orkuöflun, betri nýtni og betra flutningskerfi. Við munum vinna hörðum höndum að því,“ segir hún.
Hvað aðkomu þingsins varðar segir hún að rætt hafi verið að mögulega verði brugðist við með einhverjum hætti á vorþinginu, þó sá tímapunktur sé ekki kominn.
Ragnar Þór segir af sér hjá ASÍ
Lokað þinghald í Krýsuvíkurmáli
Hægari vindur gæti auðveldað slökkvistarf
Hefja undirbúning verkfalla
Aðalmeðferð í Neskaupstaðamáli í febrúar
Mikil hálka á veginum þegar banaslysið varð
Áfram mælast skjálftar á miklu dýpi