Dregið hefur úr ofankomunni á Austurlandi og Austfjörðum í morgun en snjókomubakki gengur inn á land um þrjúleytið og er útlit fyrir talsverða snjókomu í nokkrar klukkustundir.

Þetta segir Björn Sævar Einarsson, veðurfræðingur á Veðurstofu Íslands, í samtali við mbl.is en snjóflóðahætta er enn í gildi á Austfjörðum. Hann segir að það gæti snjóað hressilega í Neskaupstað en það fari eftir því hversu langt snjókomubakkinn gangi inn á land. Hann segir að vind taki að lægja smátt og smátt fyrir austan.

Frétt af mbl.is

Appelsínugular viðvaranir á Austurlandi og Austfjörðum

Appelsínugular viðvaranir eru í gildi á Austurlandi og Austfjörðum vegna norðaustanhríðar og mikillar snjókomu á Austfjörðum. Á Austurlandi að Glettingi gildir viðvörunin til klukkan 14 en til miðnættis á Austfjörðum.

Björn Sævar segir að draga muni úr ofankomunni í kvöld og sérstaklega eftir miðnætti. Hann segir að það hafi hlýnað og hitinn sé kominn yfir frostmark á láglendi og í fyrramálið verði 5-10 m/s og stöku él og um kvöldið verði komið fínasta veður.

Frétt af mbl.is

„Ekki frétt af neinum snjóflóðum í grennd við byggð“

Veðurfræðingurinn segir að á morgun og framan af miðvikudegi verði hið ágætasta veður á landinu en á miðvikudagskvöld fari að hvessa suðvestalands og vindur gæti farið yfir 20 m/s sekúndu með slydduéljum á Suðurnesjum.

Tengdar fréttir

Snjóflóð á Austfjörðum

Ganga í hús sem á að rýma á Seyðisfirði

• Fjögur hús rýmd til viðbótar á Seyðisfirði
• „Ekki frétt af neinum snjóflóðum í grennd við byggð“
• Engar fregnir um snjóflóð fyrir austan
• Verklok við snjóflóðavarnir áætluð 2029

» Fleiri tengdar fréttir

Veður

Fjögur hús rýmd til viðbótar á Seyðisfirði

• Lentu í vandræðum á Fjarðarheiði
• Engar fregnir um snjóflóð fyrir austan
• Appelsínugular viðvaranir á Austurlandi og Austfjörðum
• Svona liggja rýmingarsvæðin

» Fleiri tengdar fréttir

• Blogga um frétt