Það kom gest­um Laug­ar­dals­laug­ar hressi­lega á óvart þegar þeir urðu var­ir við leður­blöku á lág­flugi yfir laug­inni á sunnu­dag. Spen­dýrið hef­ur verið á ferð og flugi um Laug­ar­dal­inn síðustu daga. Hún hef­ur nú verið hand­sömuð.

„Allt í einu heyri ég gasprað í tal­stöðina að það sé leður­blaka í laug­inni,“ seg­ir Sig­urður Jök­ull Ægis­son, starfsmaður Laug­ar­dals­laug­ar, í sam­tali við mbl.is.

Eins og mbl.is greindi frá síðdeg­is á sunnu­dag var lög­regla kölluð út vegna leður­blöku. Einnig sást til leður­blöku á flögri við Laug­ar­nes­veg hinn 13. janú­ar. Mögu­lega var þar sama leður­blaka á ferð enda eru þær ekki marg­ar hér á landi.

Frétt af mbl.is

Leður­blaka leik­ur laus­um hala í Reykja­vík

Á stærð við tvo hnefa

„Ég sé hana í hnypri við úti­klef­ana að deyja úr kulda,“ held­ur Sig­urður áfram en hon­um sýnd­ist dýrið vera á stærð við tvo hnefa.

Sam­starfs­fé­lagi Sig­urðar greip til þeirra ráða að reyna að kló­festa dýrið með háfi á meðan það stóð kyrrt við úti­klef­ann.

„En þegar hann nálg­ast hana með háfinn tek­ur hún á flug og byrj­ar að fljúga lág­flugi yfir laug­ina, eig­in­lega upp við einn kúnna.“

Sig­urður náði lág­flugi dýrs­ins á mynd­skeiði en þar má sjá leður­blök­una fljúga afar ná­lægt sund­laug­ar­gesti. Gest­ur­inn leyfði at­vik­inu samt ekki að eyðileggja fyr­ir sér sund­ferðina: „Hann hélt svo bara áfram að synda,“ seg­ir Sig­urður.

Skömmu síðar flökti leður­blak­an aðeins um svæðið og flaug síðan út í borg­ina. Í kjöl­farið var hringt á lög­regl­una, sem mætti á vett­vang, og Mat­væla­stofn­un, sem kvaðst þó ekk­ert geta gert fyrst dýrið hefði þegar flogið á braut.

„Það voru eig­in­lega all­ir undr­andi á þessu,“ seg­ir Sig­urður spurður út í viðbrögð gesta. „Fólki fannst þetta bara mjög skemmti­leg upp­lif­un, og fyndið. Það var eng­inn sem tók illa í þetta.“

Frétt af mbl.is

Mynd­skeið: Leður­blaka í Laug­ar­daln­um

Gæti hafa komið með gámi til lands­ins

Leður­blök­ur eru þekkt­ir smit­ber­ar og kom­um þeirra til lands­ins hef­ur fjölgað á und­an­förn­um árum.

Mögu­lega hef­ur þessi til­tekna leður­blaka kom­ist hingað með gámi, þá lík­lega hjá Sunda­höfn enda sást til slíks spen­dýrs á flugi fyrr í mánuðinum við Laug­ar­nes­veg skammt frá höfn­inni.

Árið 2015 fund­ust þrjár leður­blök­ur á Sigluf­irði sem höfðu farið með dönsku skipi er sigldi frá Belg­íu.

Fyr­ir tæp­lega tveim­ur árum fannst leður­blaka í Kópa­vogi. Í raun hafa að minnsta kosti átta mis­mun­andi teg­und­ir leður­blakna fund­ist á Íslandi, sam­kvæmt rann­sókn frá ár­inu 2014.

Tengd­ar frétt­ir

Krútt­leg dýr

Ótrú­leg­ur vernd­ar­hring­ur náðist á mynd­band í jarðskjálfta

• Íslensk sveita­stelpa bræðir in­ter­netið
• 200 hund­ar tóku þátt í þrauta­braut
• Féll 30 metra niður í síló – og bræddi hjörtu um all­an heim
• Af­kom­end­ur ís­lenskra há­hyrn­inga fast­ir

» Fleiri tengd­ar frétt­ir

• Blogga um frétt