„Samtölin eru enn í gangi og allir eru enn í húsi. En þetta getur ennþá farið á alla vegu.“

Þetta segir Ástráður Haraldsson ríkissáttasemjari í samtali við blaðamann mbl.is.

„Það er engin vöfflulykt komin í húsið ennþá,“ bætir hann við en hefð er fyrir því að samningsaðilar gæði sér á vöfflum um leið og samningar hafi verið undirritaðir.

Frétt af mbl.is

„Jákvæð framför á öllum vígstöðvum“

Óljóst hversu lengi viðræður haldi áfram

Kjaraviðræður kennara, ríkis og sveitarfélaga héldu áfram í dag en fundur hófst rétt eftir hádegi og stendur enn yfir.

Jákvæð teikn hafa verið á lofti í dag og í gær en hart hefur verið tekist á í kjaradeilunni og hófust verkföll kennara víða um landið á mánudaginn.

Segir Ástráður það óljóst eins og er hvort viðræður haldi áfram fram á kvöld en það komi í ljós von bráðar.

„Við erum svona í einhverjum millihendingum og annað hvort gefur eða gefur ekki.“

Tengdar fréttir

Kjaraviðræður

Hvorki ráðherra né starfsmaður hafi lofað hækkunum

• Vilja svör um hvort Ásthildur hafi boðið 2% hækkun
• „Jákvæð framför á öllum vígstöðvum“
• Samningar undirritaðir
• Kennarar virðast ætla að þjarma að Akureyringum

» Fleiri tengdar fréttir

• Blogga um frétt