Svo segir í greinargerð undirbúningsnefndar fyrir rannsókn kosninga til Alþingis sem Dagur B. Eggertsson alþingismaður veitir forstöðu og kynnt var á Alþingi á þriðjudag. Þar var fjallað um greinargerð landskjörstjórnar um niðurstöður síðustu alþingiskosninga og skorið úr um kjörgengi nýkjörinna þingmanna.

Í greinargerðinni kemur fram að Alþingi hafi borist ábending frá nafngreindum einstaklingi, en í erindi hans kom fram að hann hefði áhyggjur af því að Jón Gnarr væri ekki með óflekkað mannorð, þar sem hann hafði fengið skilorðsbundinn dóm í Héraðsdómi Reykjavíkur árið 1999.

Í kosningunum var hann kjörinn 7. þingmaður Reykjavíkurkjördæmis suður.

Í kosningalögum segir m.a. að hver sá sé kjörgengur til Alþingis sem hafi kosningarétt og hafi óflekkað mannorð. Í sömu lögum segir einnig að Alþingi úrskurði um gildi alþingiskosninga, kjörgengi þingmanna og kosningu þeirra að eigin frumkvæði eða á grundvelli framkominnar kæru.

Í greinargerðinni kemur fram að samkvæmt dómi héraðsdóms 21. maí 1999 hafi Jón Gunnar Kristinsson, nú Jón Gnarr, ásamt tveimur öðrum einstaklingum, verið fundinn sekur um röskun á fundarfriði Alþingis. Var ákvörðun refsingar frestað skilorðsbundið í eitt ár frá birtingu dómsins, en refsingin látin niður falla að þeim tíma liðnum, héldi hver hinna ákærðu almennt skilorð.

Lesa má meira um málið í Morgunblaðinu í dag

Tengdar fréttir

Alþingi

Stefnuræða Kristrúnar á mánudaginn

• Segir vinnubrögð Flokks fólksins óásættanleg
• Stefnuræðu Kristrúnar frestað
• Þau munu svara Kristrúnu í kvöld
• Þórunn tók andköf: Fall er fararheill

» Fleiri tengdar fréttir