Fólk varað við að vera utandyra
Setja bókamerki
Spáð er sunnan 25-33 m/s með snörpum vindhviðum og talsverðri rigningu með köflum á höfuðborgarsvæðinu.
Í tilkynningu frá aðgerðastjórn höfuðborgarsvæðisins segir að foktjón sé mjög líklegt og að hættulegt geti að vera á ferð utandyra og það verði ekkert ferðaveður.
Rauð viðvörun tekur gildi á höfuðborgarsvæðinu klukkan 8 og gildir fram til klukkan 13 en Veðurstofa Íslands hefur gefið rauðar og appelsínugular viðvaranir fyrir landið í dag.
Í tilkynningu frá lögreglunni á höfuðborgarsvæðinu er fólk hvatt til að halda sig heima á meðan óveðrið gengur yfir í dag og vera ekki á ferðinni að nauðsynjalausu. Þar segir að röskun verði á skólastarfi. Grunn- og leikskólar verða þó ekki lokaðir, en halda úti lágmarksmönnun.
Óvissustig verður á mörgum vegum í dag og á vef Vegagerðarinnar, umferðin.is, kemur fram:
„Vegagerðin vill ítreka það að ökutæki sem taka á sig mikinn vind eiga alls ekki að vera á ferli milli landshluta í dag. Margir vegir eru á óvissustigi í dag og geta því lokað með stuttum fyrirvara. Vegfarendur eru beðnir að fylgjast vel með aðstæðum og vera tilbúnir að breyta ferðaplönum.“
Lífskjör munu versna ef tollar verða lagðir á
Hvetja fyrirtæki til að láta ferðamenn vita
„Galið að stimpla málið á svartan húmor“
Hriktir í meirihlutanum í borginni
Myndskeið: Eldingum sló niður á mínútu fresti
„Það er viðbúnaður alls staðar“
„Heppinn að vera ekki framþyngri“