Meirihlutinn er sprunginn

Meirihluti borgarstjórnar Reykjavíkur er sprunginn. Einar Þorsteinsson sleit meirihlutanum á klukkutíma löngum fundi með oddvitum flokkanna.

Hann hefur boðið Sjálfstæðisflokknum, Viðreisn og Flokki Fólksins til viðræðna um myndun nýs meirihluta, en samkvæmt heimildum Morgunblaðsins hafa þreifingar átt sér stað í aðdraganda fundarins.

Einar Þorsteinsson sagði í Dagmálum Morgunblaðsins í gær að það hrikti í meirihlutanum vegna stuðnings Framsóknar við tillögu Sjálfstæðisflokksins um breytingu á aðalskipulagi sem miðaði að því að flugvöllurinn yrði áfram í Vatnsmýri til ársins 2040.

Í viðtalinu tók hann jafnframt afstöðu til ýmissa annarra mála þvert gegn stefnu þess meirihluta sem hefur verið starfandi um árabil, meðal annars lagði hann áherslu á að brjóta meira land undir fjölbreyttari íbúabyggð og að mikilvægt væri að taka mið af fjölskyldubílnum í samgöngumálum.

Fréttin verður uppfærð.

Hriktir í meirihlutanum segir borgarstjóri

• 3 blogg um fréttina

Bloggað um fréttina

• Helga Dögg Sverrisdóttir: Mikil blessun að losan við kynja-kjaftæðisflokkana
• Benedikt V. Warén: Var ekki einfaldara>>>
• Birgir Örn Guðjónsson: Borgarmeirihlutinn !