Arndís Anna vill verða formaður Siðmenntar

Arndís Anna Kristínardóttir Gunnarsdóttir, fyrrverandi þingmaður Pírata, hefur boðið sig fram til formennsku Siðmenntar. 

RÚV greindi fyrst frá. Segir Arndís hvatann á bak við framboðið vera vaxandi ásókn andhúmanískra afla sem kalli á samstöðu þeirra sem trúa á húmaníska hugsjón. 

Inga Auðbjörg Straumland tilkynnti nýverið að hún ætlaði ekki að sækjast eftir endurkjöri eftir sex ár sem formaður. 

Sóttist ekki eftir þingmennsku á ný

Arn­dís sat á þingi fyr­ir Pírata á síðasta kjör­tíma­bili, en ákvað að bjóða sig ekki fram á ný. Stofnaði hún eigin lögfræðiskrifstofu í kjölfarið og sóttist einnig nýverið eftir embætti héraðsdómara.

Frétt af mbl.is

Arndís og Brynjar vilja verða dómarar

Siðmennt er félag siðrænna húmanista á Íslandi og er skráð sem lífsskoðunarfélag og eru félagar þess um 6.000 talsins.

Lítur félagið svo á að sannfæringarfrelsi, trúfrelsi og tjáningarfrelsi teljist til almennra lýðréttinda. Þau skuli ná til allra og þau megi hvorki afnema né skerða undir neinum kringumstæðum.

• Blogga um frétt