„Þetta er auðvitað niðurstaðan sem við vorum að vonast eftir og fengum þar með okkar afstöðu staðfesta,“ segir Inga Rún Ólafsdóttir, formaður samninganefndar Sambands íslenskra sveitarfélaga, um að verkföll kennara í þrettán leikskólum og sjö grunnskólum séu ólögmæt.

Samband íslenskra sveitarfélaga stefndi Kennarasambandinu á grundvelli laga nr. 94/1986 um kjarasamninga opinberra starfsmanna en í ákvæðinu felst að verkfall skuli ná til allra starfsmanna stéttarfélags hjá sama vinnuveitanda. 

Verkfall Kennarasambandsins í Snæfellsbæ var ekki dæmt ólögmætt þar sem allir félagsmenn leikskólakennara greiddu atkvæði í því sveitarfélagi um verkfallið. 

Allir kennarar í þeim grunn- og leikskólum, að Snæfellsbæ undanskildum, sem hafa verið í verkfalli snúa aftur til vinnu á morgun og mæta börn einnig til skóla. 

Frétt af mbl.is

Verkföll kennara ólögmæt

Hafi ekki áhrif á samningaviðræður

Spurð hvort hún haldi að niðurstaðan muni hafa áhrif á framgang samningaviðræðna kveðst hún svo ekki vera. 

„Ég veit ekki af hverju það ætti að gera það. Við erum í fullum rétti að leita réttar okkar eins og Kennarasambandið gerir líka. Það er því bara mikilvægt að fá leyst úr ágreiningsmálum fyrir Félagsdómi. Ég sé ekki af hverju fólk ætti ekki að geta samþykkt það.“

Boðað hefur verið til fundar í Karphúsinu klukkan níu í fyrramálið. 

Tengdar fréttir

Kjaraviðræður

Ekki sérstaklega bjartsýn fyrir fund dagsins

• Dómurinn hafi ekki áhrif á verkföll í framhaldsskólum
• „Ljóst mál að fólk mætir í vinnuna á morgun“
• Verkföll kennara ólögmæt
• „Það er búið að þvarga hérna fram og til baka“

» Fleiri tengdar fréttir

• Blogga um frétt