„Ég finn alveg fyrir því að aðilarnir hafa vilja til þess að ná saman og það þokast eitthvað í rétta átt en það situr samt sem áður eftir að stóru ásteytingarsteinarnir eru óleystir,“ segir Ástráður Har­alds­son rík­is­sátta­semj­ari um gang mála á fundi samninganefnda Félags framhaldsskólakennara og ríksins í dag.

Fundurinn hófst klukkan ellefu í morgun og lauk um fjögurleytið.

Ekki er verið að ræða um heildarmynd kjarasamnings heldur ákveðin atriði sem snúa eingöngu að framhaldsskólakennurum. Atriði sem gætu liðkað fyrir kjarasamningi.

Frétt af mbl.is

Á þessu stranda samningar í kjaradeilu kennara

Eins og fram kom í viðtali í gær við Ingu Rún Ólafs­dótt­ur, formann samn­inga­nefnd­ar Sam­bands ís­lenskra sveit­ar­fé­laga, stranda kjarasamningar á kröfu um uppsegjanleika samningsins af hálfu kennara og launaliðnum. 

Ljóst er að kjarasamningur verður ekki gerður fyrr en þau atriði eru leyst.

„Ég sé ekki að það sé hægt að lenda þessu nema aðilarnir nái saman um þetta. Ég held við komumst ekki framhjá þessu tvennu. Þetta eru grundvallaratriði,“ segir Ástráður.

Frétt af mbl.is

Úrskurðurinn gerði illt verra: Staðan „mjög döpur“

Stóra ágreiningsmálið

Að sögn Ingu Rúnar vilja kennarar geta sagt upp samn­ing­um á tíma­bil­inu ef þeim hugn­ast ekki út­kom­an úr þeirri virðismats­veg­ferð sem lagt er upp með, en vilja engu að síður halda þeim launa­hækk­un­um sem eru á borðinu.

Sveit­ar­fé­lög­in vilja meiri skuld­bind­ingu í ljósi um­tals­verðra launa­hækk­ana­ sem þau hafa boðið kennurum, og geta því ekki sætt sig við að samn­ing­ur­inn sé upp­segj­an­leg­ur á tíma­bil­inu.

Samninganefndir Félags framhaldsskólakennara og ríkisins funda aftur á morgun en ekki hefur enn verið boðað til nýs fundar hjá samninganefndum leik- og grunnskólakennara og Sambands íslenskra sveitarfélaga. Ástráður er óviss með hvenær það verður.

„Við erum að fara á milli og tala við fólk og reyna að skapa vitund um ákveðnar greiningar á stöðunni, reyna að finna hvar við getum slípað saman sameiginlega fleti.“

Tengdar fréttir

Kjaraviðræður

„Halda áfram að þoka málum áfram“

• Fundar með forystu Kennarasambandsins
• Fullur stuðningur við Samninganefnd sveitarfélagana
• Harmar boðuð verkföll í leikskólum
• Verkföll boðuð í fjórum sveitarfélögum

» Fleiri tengdar fréttir

• Blogga um frétt