Rannsókn lokið í Grindavík: Fimm með stöðu sakbornings
Setja bókamerki
Lögreglan á Suðurnesjum hefur lokið rannsókn sinni á banaslysi í Grindavík 10. janúar á síðasta ári og vísað henni til embættis héraðssaksóknara.
Þar verður tekin ákvörðun um hvort ákært verði vegna málsins.
Fimm eru með réttarstöðu sakbornings í málinu.
Þetta staðfestir Úlfar Lúðvíksson lögreglustjóri á Suðurnesjum í samtali við mbl.is
Manndráp af gáleysi til skoðunar
„Rannsóknin beindist að því ákvæði 215. greinar almennrar hegningarlaga er varðar manndráp af gáleysi og einnig lög um aðbúnað um hollustuhætti og öryggi á vinnustöðum,“ segir Úlfar.
Lúðvík Pétursson lést við störf þegar unnið var að því að bjarga húsi í Hópshverfi í Grindavík.
Verkið var unnið af verkfræðistofunni Eflu fyrir tilstilli Náttúruhamfaratrygginga Íslands (NTÍ).
Einn starfsmaður Eflu með stöðu sakbornings
Í skýrslu Vinnueftirlitsins um slysið er sérstaklega gerð athugasemd við það að ekki hafi verið framkvæmt áhættumat á aðstæðum, meðal annars á jarðfræðilegum aðstæðum á því svæði þar sem jörð gaf sig þegar Lúðvík var að störfum.
Verkfræðistofan Efla tók að sér verkið að beiðni NTÍ. Í því fólst meðal annars að ráða verktaka og skipuleggja framkvæmdir. Greiðslur komu aftur á móti frá NTÍ.
Efla hafði reglulegt eftirlit með framkvæmdum ásamt nokkrum öðrum sambærilegum verkum í bænum, sem fólst meðal annars í að aðlaga verklag eftir þörfum og aðstæðum á hverjum stað.
Samkvæmt heimildum mbl.is hefur minnst einn starfsmaður Eflu réttarstöðu sakbornings.
Uppfært: Fyrst var hermt að fjórir hefðu réttarstöðu sakbornings. Hið rétta er að fimm hafa þá stöðu, eins og að ofan er getið.
Lítill hópur en skaðinn mikill
Var andlega og fjárhagslega búin á því
Dýr og flókin framkvæmd með „lítinn tilgang“
Trump hringdi í Pútín: Hefja viðræður án tafar
Telur að Alfreð hafi verið í geðrofi
Fara ekki í viðræður nema það sé traust
Almennt ætti ekki að tjá sig á þessum nótum