„Er bráðavandinn virkilega ekki ljós?“
Setja bókamerki
Jón Pétur Zimsen, þingmaður Sjálfstæðisflokksins, telur að í þingmálaskrá nýrrar ríkisstjórnar sé ekki brugðist við bráðavanda barna og ungmenna í málefnum menntunar og andlegrar heilsu.
Í jómfrúarræðu sinni á Alþingi segir hann neyðarástand ríkja og nefnir niðurstöður íslensku æskulýðsrannsóknarinnar og PISA-könnunarinnar sér til stuðnings.
„75 prósent stúlkna í 10. bekk finna fyrir kvíða vikulega eða oftar, þar af 34 prósent daglega. 40 prósent stúlkna í 10. bekk finna fyrir depurð vikulega eða oftar, þar af 17% daglega,“ nefnir Jón Pétur.
„Er bráðavandinn virkilega ekki ljós?“
Segir hann engan sóma af þingmálaskránni hvað þessa þessa málaflokka varðar.
„Ungmenni eru meira einmana en elsti aldurshópurinn. Er þetta ávarpað í þingmálaskrá? Svarið er nei.“
Börn eigi ekki að gjalda stöðu sinnar eða stéttar
Þá bendir hann á að tæpur helmingur fimmtán ára drengja og þriðjungur stúlkna á sama aldri búi ekki yfir grunnfærni í lesskilningi.
„Og til að bíta höfuðið af skömminni eru tæp 30 prósent fimmtán ára barna ekki með grunnfærni í skapandi hugsun.“
Segir hann vinnubrögð nýrrar ríkisstjórnar auka stéttaskiptingu og aðra misskiptingu í samfélaginu. Börn eigi ekki að gjalda stöðu sinnar eða stéttar.
„Við erum svo greinilega á rangri leið hér“
Grænt ljós á samruna kæmi „verulega á óvart“
Toronto-veltan: Hvernig gat þetta gerst?
Sum börn hafa verið á biðlistum stóran hluta ævinnar
Kraumandi hverir og naðurtunga
Foreldrar lýsa ofbeldinu: „Börn eru lamin í frímínútum“
Íslenskur læknir situr uppi með tvær eiginkonur