Gaf út Skógarhögg sama dag og skógarhöggið hófst

Fyrir tilviljunar sakir gaf borgarfulltrúi Samfylkingar, Hjálmar Sveinsson, út bók á þriðjudaginn sem ber titilinn Skógarhögg. Svo vill til að þann sama dag hófst niðurfelling trjáa í Öskjuhlíð en nokkur styr stóð um þau áform enda skógarhöggið nátengt starfsemi flugvallarins í Vatnsmýri. 

Þannig var tveimur flugbrautum lokað á Reykjavíkurflugvelli sökum þess að trjágróðurinn í Öskjuhlíð var sagður hafa áhrif á aðflug að vellinum og var borgin sökuð um að draga lappirnar þegar kom að hinu hápólitíska skógarhöggi.  

Frétt af mbl.is

Tré falla fyrir flugvöllinn

Alls ekki um skógarhögg 

Hvað sem slíkri atburðarás líður þá hélt Hjálmar útgáfuhóf sitt á þriðjudag. Þó að bókin beri nafnið Skógarhögg: Geðshræring er hún alls ekki um þá iðju, heldur er um að ræða þýdda skáldsögu frá austurríska rithöfundinum Thomas Bernard sem vakti umtal þegar hún kom út á níunda áratug síðustu aldar.

• Blogga um frétt