Verkföll boðuð í fjórum sveitarfélögum
Setja bókamerki
Félag grunnskólakennara hefur boðað tímabundin verkföll í grunnskólum í þremur sveitarfélögum, Akraneskaupstað, Hveragerðisbæ og Ölfusi.
Þá hefur Félag leikskólakennara boðað ótímabundin verkföll í öllum leikskólum Kópavogs, sem eru 22 talsins.
Verkfallsaðgerðir hefjast 3. mars hafi samningar ekki náðst fyrir þann tíma.
Félagsfólk FG, FL og SÍ, sem starfar í fyrrgreindum sveitarfélögum, samþykkti verkfallsboðun með yfirgnæfandi meirihluta atkvæða, að segir í tilkynningu á vef Kennarasambands Íslands.
Var kjörsókn í öllum tilfellum góð, á bilinu 60% til 100%. Atkvæðagreiðsla stóð dagana 13.-14. febrúar.
Tímabundin verkföll í grunnskólum
Félagsfólk í Félagi grunnskólakennara og Skólastjórafélagi Íslands, sem starfar hjá sveitarfélögunum Ölfusi, Hveragerðisbæ og Akraneskaupstað, samþykkti verkfallsboðun frá 3. mars.
Einn grunnskóli er í Ölfusi, einn í Hveragerðisbæ og tveir í Akraneskaupstað.
Verkfallsboðun nær einnig til félagsfólks sem starfar á skólaskrifstofum sveitarfélaganna. Verkföll grunnskólafélaganna verða tímabundin og standa til og með 21. mars 2025.
Eftir helgi hefjast atkvæðagreiðslur um ótímabundin verkföll í öllum leikskólum Hafnarfjarðar og Fjarðabyggðar.
Bjó til nýyrðið „bítill“
Vonar að rannsóknin afmái öll tengsl við skólann
„Ekkert sem er að hindra vinnuna“
„Afar ólíklegt að þetta verði samþykkt“
Flokkur fólksins til Persónuverndar
Hitafundur í Valhöll: „Ekki í anda Sjálfstæðisflokksins“
Börn vistuð í fangaklefum: „Algjörlega óboðlegt“
Verkföll boðuð í fjórum sveitarfélögum