Heiða Björg Hilm­is­dótt­ir, odd­viti Sam­fylk­ing­ar­inn­ar í Reykja­vík, seg­ir hús­næðis- og skipu­lags­mál hafa verið skoðuð á fundi odd­vit­ana sem eru að reyna meiri­hluta­mynd­un í dag og mik­ill sam­hljóm­ur hafi verið í hópn­um.

„Þetta hef­ur bara gengið virki­lega vel, við erum búin að vera að síðan klukk­an níu í morg­un og höf­um kallað til okk­ar fólk og sér­fræðinga og skoðað hvernig við get­um gert þetta sem best,“ seg­ir Heiða Björg í sam­tali við mbl.is.

„Það ligg­ur á“

Það er mat Heiðu að góður andi sé í hópn­um og seg­ist hún vona að sam­starfið verði öll­um til góðs.

Hafa ágrein­ings­efni á milli flokk­ana verið tækluð á byrj­un­ar­dög­un­um?

„Já, við bara tök­um þetta eft­ir mála­flokk­um og ef við erum ekki sam­mála um eitt­hvað þá ræðum við það bara. Núna í dag vor­um við að ræða skipu­lags­mál, hús­næðis­upp­bygg­ingu og það gekk bara virki­lega vel.“

Ertu vongóð að myndað verði stjórn­ar­sam­starf fyr­ir borg­ar­stjórn­ar­fund á þriðju­dag­inn?

„Sko við erum ekki með neina tíma­setn­ingu, við vilj­um bæði flýta okk­ur af því að okk­ur finnst það okk­ar ábyrgðar­hluti en við vilj­um líka vanda okk­ur. Þannig að við höf­um ákveðið að gefa þessu eins mik­inn tíma og við get­um, við vilj­um ekki setja okk­ur ein­hverja tíma­pressu.“

„Þetta er mik­il­vægt mál, Reykja­vík­ur­borg er stórt og mikið fyr­ir­tæki og við vilj­um gera raun­hæf­ar og góðar áætlan­ir.“

Aðspurð seg­ir Heiða fund­ar­höld koma til með að halda áfram um helg­ina.

„Það ligg­ur á, íbú­ar eiga það skilið að við flýt­um okk­ur og vönd­um okk­ur líka.“

Tengd­ar frétt­ir

Meiri­hlut­inn í borg­inni sprengd­ur

Tals­verð tíðindi í könn­un Gallup í Reykja­vík

• Gagn­rýna illa ígrunduð vinnu­brögð meiri­hlut­ans
• „Sorg­legt“ að póli­tísk­ar kredd­ur ráði för
• Hyggj­ast ekki leyfa Al­votech að byggja leik­skóla
• Svipta hul­unni af 25 aðgerðum í borg­inni

» Fleiri tengd­ar frétt­ir

• Blogga um frétt