Staðan á Sundhnúkagígaröðinni hefur lítið breyst undanfarna daga að sögn náttúruvársérfræðings á Veðurstofu Íslands en áfram eru taldar líkur á eldgosi.

Skjálftavirknin á svæðinu er mjög takmörkuð en landris og kvikusöfnun undir Svartsengi heldur áfram að sögn Elísabetar Pálmadóttur náttúruvársérfræðings.

Frétt af mbl.is

„Líkur á gosi fara vaxandi“

Spurð hvort hafi orðið vart við einhverjar breytingar í borholum HS Orku sem gerðu viðvart um síðustu tvö eldgos á Sundhnúkagígaröðinni segir Elísabet:

„Nei. Við fylgjumst grannt með þeim allan sólarhringinn og það er ekki að sjá neinar breytingar. Þá höfum við bætt við ljósleiðara til auka vöktun á jarðhræringum og í svona góðu veðri eins og er núna höfum við með ágæta yfirsýn yfir alla mæla,“ segir hún.

Frétt af mbl.is

Telur líkur á gosi dvína með hverjum deginum

Elísabet segir ómögulegt að segja til um það hvenær það dragi til tíðinda á Sundhnúkagígaröðinni. Veðurstofan telur áfram að hætta sé á eldgosi en ríkislögreglustjóri lýsti yfir hættustigi á Reykjanesskaga þann 30. janúar.

„Það getur farið að gjósa á morgun eða eftir tvær vikur en við búumst við því að fyrirvarinn verði mjög stuttur,“ segir hún.

Sjöunda eldgosinu á Sundhnúkagígaröðinni frá því í desember 2023 lauk 9. desember.

Tengdar fréttir

Eldvirkni á Reykjanesskaga

Telja líkur enn vaxandi á öðru eldgosi

• Er umbrotahrinunni lokið?
• Jarðskjálfti fannst á höfuðborgarsvæðinu
• Kaupverð í nær öllum tilfellum staðið óhaggað
• „Atburðurinn í nóvember var grafalvarlegur“

» Fleiri tengdar fréttir

• 1 blogg um fréttina

Bloggað um fréttina

• Hrannar Baldursson: Eldgos, óvissa og innri ró