María Rut Kristinsdóttir, þingmaður Viðreisnar, segir menntamálin yfirleitt algjöra afgangsstærð í pólitískri umræðu.

„Ég hélt kannski að það myndi breytast í kosningabaráttunni í fyrra þegar sjálf baráttan var háð í miðju kennaraverkfalli,“ sagði María í ræðustól á Alþingi í dag og gerði málið að umræðuefni í dag­skrárliðnum fyr­ir störf þings­ins.

Þess má geta að samkvæmt Gallup voru menntamál fjórði mikilvægasti málaflokkurinn að mati kjósenda. 

Mestu áhrifavaldar í tilveru barna

María segist hafa saknað þess verulega að rætt væri meira í kosningabaráttunni um málefni barna, menntamál, stöðu kennara, andlega líðan og aðgengi að þjónustu.

„Við eigum að tryggja kennurum betri starfsaðstæður, bætt kjör og meiri virðingu fyrir starfi þeirra,“ segir hún.

„Fjárfesting í menntun er fjárfesting í mannauði og fjárfesting í kennurum er síðan fjárfesting í framtíðinni.“

Bendir hún á að horfast verði í augu við alvarleika stöðunnar og ekki megi gleyma hvers virði öflugir kennarar séu.

„Þeir eru einir mestu áhrifavaldar í tilveru barnanna okkar. Tökum þeim ekki sem sjálfsögðum hlut.“

Tengdar fréttir

Alþingi

„Með athyglisverðustu svörum sem ég hef séð“

• Segir svör ráðherra rýr og röng
• Þórdís, Dagur og Sigmar í Brussel
• Vill fækka sýslumannsembættum
• Segir ráðherra hafa eignað sér hróðurinn

» Fleiri tengdar fréttir

• Blogga um frétt