Þingið fjallar um börn í viðkvæmri stöðu
Setja bókamerki
Málefni barna í viðkvæmri stöðu verða tekin fyrir á fundi allsherjar- og menntamálanefndar Alþingis í dag.
Ingibjörg Isaksen, formaður þingflokks Framsóknar, kallaði eftir því í gær að málið yrði tekið fyrir á fundi nefndarinnar í ljósi vaxandi umræðu um ofbeldi í grunnskólum.
Var það samþykkt í morgun og verður málið tekið fyrir á fundi í dag.
„Þetta er alla vega komið á dagskrá núna sem ég er bara mjög ánægð með, formaðurinn tók vel í þetta,“ segir Ingibjörg í samtali við mbl.is.
Vaxandi umræða
Umræðan fer vaxandi um ofbeldis- og eineltismál á meðal barna eftir að Morgunblaðið og mbl.is greindu frá viðvarandi vanda í Breiðholtsskóla fyrir rúmri viku.
Kvartað hefur verið undan litlum viðbrögðum frá skólayfirvöldum í Reykjavík.
Boðað hefur verið til aukafundar á morgun í skóla- og frístundaráði Reykjavíkurborgar þar sem til umræðu verða ofbeldis- og eineltisvarnir í skóla- og frístundastarfi, að því er fram kemur í fundarboði.
„Komið til móts við það sem við teljum okkur þurfa“
Segir svör ráðherra rýr og röng
„Erum enn þá að búast við eldgosi“
Stór sár eftir að rútan var dregin af vettvangi
„Algjörlega nýr“ meirihluti í borgarstjórn
Vegurinn enn lokaður