Litlar breytingar hafa orðið á kvikusöfnun eða landrisi á Sundhnúkagígröðinni undanfarna daga. Safnast hefur um það bil það sama magn af kviku og var til staðar þegar tók að gjósa síðast, í nóvember á síðasta ári. 

Þetta segir Böðvar Sveinsson, náttúruvársérfræðingur á Veðurstofu Íslands, í samtali við mbl.is.

Hann segir ómögulegt að spá fyrir um hvenær næsta gos fari af stað. Það gætu verið nokkrir dagar eða vikur. 

Í tilkynningu sem Veðurstofan sendi frá sér í gær segir að jarðskjálftavirknin á svæðinu hafi verið stöðug í febrúar og að um fimm jarðskjálftar, eða færri, hafi fundist á dag.

Frétt af mbl.is

Telja líkur enn vaxandi á öðru eldgosi

Tengdar fréttir

Eldvirkni á Reykjanesskaga

Aukin hætta á eldgosi

• Engin merki komin fram í borholum og á GPS-mælum
• Ekkert kvikuhlaup í kjölfar skjálfta
• Skoða hvort kvikuhlaup sé mögulega að hefjast
• „Erum enn þá að búast við eldgosi“

» Fleiri tengdar fréttir

• Blogga um frétt