Ekkert kvikuhlaup kom í kjölfar þriggja skjálfta sem urðu á áttunda tímanum við Sund­hnúkagígaröðina. Á næstu dögum eða vikum gæti þó farið að draga til tíðinda.

Þetta seg­ir Krist­ín Elísa Guðmunds­dótt­ir, náttúruvársérfræðingur á Veður­stofu Íslands, í sam­tali við mbl.is.

Eins og mbl.is greindi frá fyrr í kvöld þá urðu skjálftar á milli klukkan 19.46 og 19.47. Í kjölfar sagði Veðurstofan að verið væri að kanna hvort að kvikuhlaup væri mögulega að hefjast.

Frétt af mbl.is

Skoða hvort kvikuhlaup sé mögulega að hefjast

„Það fór ekkert kvikuhlaup af stað“

„Þetta er spurning hvort að hann [kvikugangurinn] hafi verið að hósta aðeins en svo hefur ekkert gerst meira,“ segir Kristín.

„Það fór ekkert kvikuhlaup af stað þarna.“

Hún segir að þegar svona gerist þá séu menn á Veðurstofunni á tánum „því þetta byrjaði á svipuðum stað og kvikuhlaupin hafa byrjað“.

Getur dregið til tíðinda á næstu dögum

Sjö­unda eld­gos­inu á Sund­hnúkagígaröðinni frá því í des­em­ber 2023 lauk 9. des­em­ber og nú hefur landris náð svipuðu marki og fyr­ir síðasta gos í nóv­em­ber.

„Við erum komin á þann stað að það er líklegt að það fari að draga til tíðinda næstu daga eða vikur. En það er ákveðin óvissa í þessu,“ segir Kristín.

Tengdar fréttir

Eldvirkni á Reykjanesskaga

SMS í alla síma í Grindavík og Svartsengi

• Aukin hætta á eldgosi
• Engin merki komin fram í borholum og á GPS-mælum
• Skoða hvort kvikuhlaup sé mögulega að hefjast
• „Erum enn þá að búast við eldgosi“

» Fleiri tengdar fréttir

• Blogga um frétt