Í umfjöllun Morgunblaðsins um byrlunarmálið hefur verið varpað ljósi á óvenjuleg vinnubrögð Ríkisútvarpsins (Rúv.) og starfsmanna þess, sem lögregla og saksóknari telja saknæm. Stefán Eiríksson útvarpsstjóri vill hins vegar ekki svara neinum spurningum um það eða hlut sinn í málinu, en stjórnarformaður Ríkisútvarpsins ohf. ekki heldur og vísar aftur á útvarpsstjóra.

Frétt af mbl.is

Starfsfólk RÚV huldi slóðina

Logi Einarsson menningarmálaráðherra var spurður hvort það væru líðandi vinnubrögð hjá opinberu fyrirtæki að enginn væri til fyrirsvars um jafnalvarlegar ásakanir.

„Ég mun ekki blanda mér inn í þetta með beinum hætti. Ég hef ekki boðvald yfir því.“

En kallar það ekki á athugun þegar lögregla telur víst að saknæmt athæfi hafi átt sér stað innan Rúv.?

Frétt af mbl.is

RÚV og Stundin með puttana í símanum

„Þú kemst auðvitað að kjarna málsins, þetta var lögreglumál sem var svo látið niður falla á endanum. Ég eða aðrir ráðherrar höfum ekki afskipti af málum í farvegi réttarkerfisins.“

Á brotaþolinn í málinu, sem lá um hríð milli heims og helju, ekki að fá nokkra úrlausn sinna mála?

„Ég ætla ekki að gera lítið úr alvarleika þess og ekki heldur alvarleika málsins í sjálfu sér. En það er ekki á minni könnu að upplýsa það.“

Lesa má meira um málið í Morgunblaðinu í dag

Tengdar fréttir

Spursmál

Tekist á um völdin í Valhöll

• Dómstólar skeri úr um réttmæti greiðsla til flokksins
• Starfsfólk RÚV huldi slóðina
• RÚV og Stundin með puttana í símanum
• Enn ekkert heyrst frá Jens Garðari

» Fleiri tengdar fréttir