Margvísleg gögn sýna með óyggjandi hætti að konan sem byrlaði Páli Steingrímssyni skipstjóra ólyfjan átti í nánum samskiptum við starfsfólk Ríkisútvarpsins í aðdraganda þess að hún var yfirheyrð í fyrsta sinn hjá lögreglu.

Frétt af mbl.is

Játaði byrlun og aðkomu fjölmiðla

Hún upplýsti sjálf í yfirheyrslu hjá lögreglu að hún hefði afhent starfsmönnum RÚV síma hans meðan hann barðist fyrir lífi sínu á gjörgæsludeild Landspítalans.

Í yfirheyrslu um mitt síðasta ár upplýsti hún að Þóra Arnórsdóttir ritstjóri Kveiks hefði tekið við tækinu ásamt Arnari Þórissyni yfirframleiðanda þáttarins.

Mynd staðfesti viðtakanda

Af skýrslu lögreglu að dæma nefndi hún nafn þeirra beggja að fyrra bragði en óskaði eftir því að fá að sjá mynd af Arnari til þess að fullvissa sig um hver viðtakandinn var. Við því var orðið og var svar hennar afdráttarlaust.

Frétt af mbl.is

Neita að tjá sig um byrlunarmálið

Morgunblaðið hefur skýrslu lögreglu um yfirheyrslu Arnars undir höndum. Þar ber hann ekki fyrir sig vernd heimildarmanna heldur fullyrðir án fyrirvara að hann hafi aldrei hitt konuna sem þó benti á hann sem viðtakanda símtækisins.

Þögn starfsmanna RÚV olli því að lögregla komst ekki áfram með rannsókn málsins. Gerðist það jafnvel þótt heimildarmaður þeirra hefði þá þegar gefið sig fram og viðurkennt afhendingu símans. Ekkert í lögum um vernd heimildarmanna kveður á um að verja skuli heimildarmenn sem ekki krefjast lengur nafnleyndar.

Lesa má meira um málið í Morgunblaðinu í dag

Tengdar fréttir

Spursmál

Tekist á um völdin í Valhöll

• Dómstólar skeri úr um réttmæti greiðsla til flokksins
• Mun fara yfir byrlunarmálið
• RÚV og Stundin með puttana í símanum
• Enn ekkert heyrst frá Jens Garðari

» Fleiri tengdar fréttir