Innlent | mbl | 20.2.2025 | 19:19

„Þurfum að hafa góðar gætur á Bárðarbungu“

Skjálftavirkni í Bárðarbungu hefur færst í aukana. mbl.is/Rax

Skjálftavirkni í Bárðarbungu hefur aðeins færst í aukana eftir að hún datt niður í kjölfar hrinunnar í síðasta mánuði.

Þetta segir Benedikt Gunnar Ófeigsson, fagstjóri aflögunarmælinga á Veðurstofu Íslands, í samtali við mbl.is.

Frétt af mbl.is

Óvenjuleg virkni sem getur leitt til eldgoss

Virknin aftur að byggjast upp

„Svo virðist vera að virknin sé aftur að byggjast upp. Við fylgjumst vel með og miðað við þessa hrinu sem varð í janúar þá held ég að við þurfum að hafa góðar gætur á Bárðarbungu,“ segir Benedikt.

Skjálftahrinan í Bárðarbungu í janúar var töluverð en ekki hafði slík virkni sést í eldstöðinni frá árinu 2014, þegar eldgos braust út í Holuhrauni.

Frétt af mbl.is

Ósammála kollegum sínum um Bárðarbungu

Skjálftavirknin ekki að færast ofar

Spurður út í stöðuna á öðrum eldstöðvarkerfum segir Benedikt að Askja haldi áfram að rísa og áfram sé nokkur skjálftavirki við Grjótárvatn á Mýrum.

Ekki sjáist þó nein merki um að það sé að grynnka á skjálftunum á því svæði né að þeir séu að aukast frekar en aflögun. Grjótárvatn er innan eldstöðvakerfið Ljósufjalla á Snæfellsnesi.