Samkvæmt heimildum Morgunblaðsins hafa flokkarnir fimm sem staðið hafa í meirihlutaviðræðum í borgarstjórn Reykjavíkur undanfarna daga ekki enn gengið frá verkaskiptingu sín á milli. Þar mæna flestir á stól borgarstjóra en ekkert mun hafa verið ákveðið, hvað þá innsiglað um það.

Frétt af mbl.is

„Algjörlega nýr“ meirihluti í borgarstjórn

Flestir hafa talið líklegast að Heiða Björg Hilmisdóttir, oddviti Samfylkingar, yrði nýr borgarstjóri hins nýja hreina vinstrimeirihluta í borgarstjórn Reykjavíkur, enda er Samfylkingin stærst flokka í þeim hópi með fimm borgarfulltrúa.

Ekki hefur hins vegar verið full samstaða í hópnum um að Samfylkingin ætti að leiða meirihlutann úr borgarstjórastóli, og meðal annars rætt um að finna borgarstjóra utan borgarstjórnar.

Frétt af mbl.is

„Svolítið vinstrisinnað fyrir minn smekk“

Þar munu meðal annars hafa verið reifuð sjónarmið um pólitíska ásýnd þess að Samfylking haldi forystu í enn einum meirihlutanum, en einnig hefur verið bent á að Heiða standi í ströngu sem formaður Sambands íslenskra sveitarfélaga með kennaradeiluna í fanginu. Heiða hefur setið í borgarstjórn frá 2015 og á 54 ára afmæli í dag.

Boðað til fundar í snatri

Mikið gekk greinilega á í viðræðum flokkanna fimm í gær, en um kaffileytið var ekkert útlit fyrir að dregið gæti til tíðinda í dag. Skömmu eftir klukkan fjögur var skrifstofa borgarstjórnar hins vegar beðin um að undirbúa og boða aukafund borgarstjórnar, en aukafundi má boða með sólarhringsfyrirvara. Það mun vera skýringin á hinum óvenjulega fundartíma kl. 16.40.

Lesa má meira um málið í Morgunblaðinu í dag

Tengdar fréttir

Meirihlutinn í borginni sprengdur

Borgarstjóri lék einleik: Kom flatt upp á stjórnina

• „Við sátum þar bara eins og skilnaðarbörn“
• Spennandi að vera í minnihluta
• „Svolítið vinstrisinnað fyrir minn smekk“
• „Algjörlega nýr“ meirihluti í borgarstjórn

» Fleiri tengdar fréttir