Heiða Björg Hilmisdóttir, formaður Sambands íslenskra sveitarfélaga (SÍS), mætti ekki á stjórnarfund í gærkvöldi þar sem innanhússtillaga Ástráðs Haraldssonar ríkissáttasemjara var lögð fram og rædd.

Samkvæmt heimildum mbl.is kom fjarvera formannsins flatt upp á stjórnarmenn sem eru á ögurstundu í samningaviðræðum við kennara, ekki síst í ljósi mikilvægis fundarins. Eins og fram hefur komið er hún orðuð við borgarstjórnarstól í Reykjavík en samningaviðræður vinstri flokka þar eru langt komnar.

Mætti í morgun 

Sveitarfélögin báðu um frest til hádegis í dag til þess að fara yfir tillögu Ástráðs áður en tekin verður ákvörðun um það hvort samið verði. Kennarar eru sagðir hafa samþykkt tillögu Ástráðs.  

Frétt af mbl.is

SÍS fundar: „Djöfullinn liggur í smáatriðunum“

Samninganefnd SÍS og sveitarstjórar sveitarfélaganna fóru yfir samningstilboðið sem lagt var fram á fundi í morgun og var Heiða mætt á þann fund. Samninganefnd hefur sterkt umboð og hafa sveitarstjórar ekki eiginlegt neitunarvald við samningi en þeir eru hafðir með til skrafs og ráðagerðar á þessum tímapunkti í viðræðunum. 

Tengdar fréttir

Kjaraviðræður

Sagði upp starfi sínu eftir tíðindi dagsins

• Skýr skilaboð frá bæjarstjórum
• „Algjört ábyrgðarleysi af viðsemjendum kennara“
• Borgarstjóri lék einleik: Kom flatt upp á stjórnina
• Hefur fullan skilning á viðbrögðum kennara

» Fleiri tengdar fréttir

• Blogga um frétt