Daði Már Kristófersson fjármálaráðherra segir í samtali við Morgunblaðið hinar röngu upplýsingar sem ráðuneyti hans birti í tilkynningu fyrr í mánuðinum vera frá ríkisskattstjóra komnar.

Um er að ræða skráningardagsetningar flokkanna á stjórnmálasamtakaskrá Skattsins, en skráning er skilyrði fyrir því að fá úthlutað opinberum styrkjum.

Er hægt að treysta því að rannsókn ráðuneytisins vegna styrkjamálsins hafi verið fullnægjandi, í ljósi þess að þessar grundvallarupplýsingar voru ekki einu sinni réttar?

„Þegar þú sendir fyrirspurn á ríkisskattstjóra og hann svarar þér, hvað átti maður að gera meira,“ spyr ráðherra á móti.

Komu eingöngu þessar dagsetningar fram í svari Skattsins?

„Já.“

Frétt af mbl.is

Rangar upplýsingar fjármálaráðherra

Í gögnum sem Morgunblaðið aflaði frá Skattinum vegna flokkanna er gerður greinarmunur á dagsetningu þegar upphaflegri tilkynningu er skilað, fullbúinni umsókn með fylgigögnum og svo skráningu sem jafnan var afgreidd strax í kjölfar þess að fullbúinni umsókn hafði verið skilað.

Þær dag­setn­ing­ar sem fjár­málaráðuneytið birt­ir sem skrán­ing­ar­dag­setn­ing­ar flokk­anna eru dag­setn­ingar upphaflegra til­kynn­inga þeirra. Full­bú­in skrán­ing fel­ur í sér til­kynn­ing­una ásamt lögákveðnum fylgigögn­um, en eng­inn flokk­ur hafði skilað til­kynn­ingu ásamt öll­um fylgigögn­um þegar ráðuneytið greiddi styrk­ina út árið 2022.

Styrk­ir vegna árs­ins 2022 voru greidd­ir út til allra flokka 31. janú­ar 2022, þrátt fyr­ir að þeir upp­fylltu ekki skil­yrði laga. Fjár­málaráðuneytið hefði eft­ir ströng­um skil­yrðum laga átt að bíða með greiðslu til hvers flokks það árið þangað til skil­yrðin voru upp­fyllt.

Fulltrúar ríkisstjórnarflokkanna Samfylkingarinnar og Viðreisnar, þar á meðal Kristrún Frostadóttir forsætisráðherra, hafa haldið því fram að flokkar þeirra hafi uppfylt skilyrði laganna þegar styrkirnir voru greiddir út árið 2022.

Tengdar fréttir

Alþingi

„Með athyglisverðustu svörum sem ég hef séð“

• Segir svör ráðherra rýr og röng
• Þórdís, Dagur og Sigmar í Brussel
• Vill fækka sýslumannsembættum
• Segir ráðherra hafa eignað sér hróðurinn

» Fleiri tengdar fréttir

• Blogga um frétt