Guðrún: „Við þurfum að endurheimta traust“
Setja bókamerki
Um þrjú hundruð manns sóttu vöfflukaffi Guðrúnar Hafsteinsdóttur, frambjóðanda til formanns Sjálfstæðisflokksins, í Reykjavík í dag. Hún segir að Sjálfstæðisflokkurinn þurfi að endurheimta traust landsmanna.
Þetta kemur fram í tilkynningu frá framboði Guðrúnar.
„Við þurfum að endurheimta traust og koma á virkara talsambandi á milli okkar í framlínu stjórnmálanna og hins almenna kjósenda á ný. Þannig stækkum við Sjálfstæðisflokkinn á nýjan leik og því betur sem Sjálfstæðisflokknum vegnar, því betur vegnar þjóðinni,“ er haft eftir Guðrúnu.
Um 2.000 landsfundarfulltrúar
Fram kemur að Elliði Vignisson, bæjarstjóri Í Ölfusi, og Vigdís Häsler, fyrrverandi framkvæmdastjóri Bændasamtakanna og aðstoðarmaður Jóns Gunnarssonar, hafi ávarpað fundinn til stuðnings Guðrúnar.
Landsfundur Sjálfstæðisflokksins fer fram næstu helgi og Áslaug Arna Sigurbjörnsdóttir hefur einnig gefið kost á sér í embætti formanns. Sjálf hélt hún viðburð á Vinnustofu Kjarvals í gærkvöldi sem á annað hundrað manns sóttu.
Báðir frambjóðendur eru á ferð og flugi en um 2.000 sjálfstæðismenn eru með landsfundarsæti.
Nýr meirihluti tekur við
Sagði upp starfi sínu eftir tíðindi dagsins
Kynferðisbrot vegna Tiktok-áhrifa á borði lögreglu
Hringurinn þrengist um Efstaleiti
Segja Ástráð hafa lagt fram tillögu þvert á vilja SÍS
Guðrún: Vill endurgreiða ríkisstyrkinn