Inga Sæland, formaður Flokks fólksins og húsnæðis- og félagsmálaráðherra, segir að styrkjamálið svokallaða sé úr sögunni. 

Þetta kemur fram í samtali hennar við blaðamann mbl.is á landsfundi Flokks fólksins sem fram fer í dag. 

„Þetta var yndislegur fundur, ég meina við hefðum getað haft hann fyrr en nú er hann sem er yndislegt,“ segir Inga í samtali við mbl.is eftir formannsræðu sína á fyrsta landsfundi Flokks fólksins. 

Frétt af mbl.is

„Nú erum við orðin stjórnmálaflokkur“

Gera miklar væntingar til nýs meirihluta

Aðspurð hvernig staðan er á styrkjamálinu svokallaða segir Inga að það sé að hennar mati „úr sögunni“. 

Þá segir hún það ekki hafa bitið á flokkinn. „Við horfum bara áfram“. 

Spurð hvað henni finnst um nýjan meirihluta borgarstjórnar segir hún flokksmenn vera ánægðan með hann. „Og við gerum miklar væntingar til hans.“

Segir flokkinn nú vera stjórnmálaflokk

Inga Sæ­land hóf for­manns­ræðu sína á því að vitna í það sem samþykkt var á fund­in­um í dag, að skrá flokk­inn sem stjórn­mála­flokk hjá Skatt­in­um.

„Mál­flutn­ing­ur okk­ar og þraut­seigja allt frá upp­hafi hef­ur í vax­andi mæli haft áhrif á umræðuna um börn sem búa við fá­tækt, um ör­yrkja og eldri borg­ara sem hafa verið hunsaðir ára­tug­um sam­an og ekki fengið sömu kjara­bæt­ur og aðrir. Þetta hef­ur sýnt sig í vax­andi fylgi hreyf­ing­ar okk­ar, eða rétt­ara sagt ekki hreyf­ing­ar, nú erum við orðin stjórn­mála­flokk­ur, ekki satt?" sagði hún í ræðu sinni. 

Tengdar fréttir

Alþingi

Samþykkja að skrá flokkinn sem stjórnmálasamtök

• Landsfundur Flokks fólksins er hafinn
• Segist hafa fengið rangar upplýsingar frá Skattinum
• „Með athyglisverðustu svörum sem ég hef séð“
• Segir svör ráðherra rýr og röng

» Fleiri tengdar fréttir

• 1 blogg um fréttina

Bloggað um fréttina

• Birgir Örn Guðjónsson: Styrkur til Flokks Fólksins.