Í kvöld kemur í ljós hvert framlag Ísland í Eurovision verður. Sex lög keppa til úrslita en úrslitin verða með öðruvísi sniði í ár.

Kosningafyrirkomulaginu hefur verið breytt en í ár verður ekkert einvígi milli tveggja efstu laga kvöldsins heldur aðeins ein símakosning sem mun vega helming á móti atkvæðum alþjóðlegrar dómnefndar.

Höfundar þriggja laga hafa ákveðið að flytja lag sitt á ensku, tvö verða áfram flutt á íslensku og eitt á bæði íslensku og ensku. Úrslitakvöld Söngvakeppninnar verður í beinni útsendingu á Ríkisútvarpinu klukkan 19.45 í kvöld.

Lögin sem keppa til úrslita í kvöld:

1. Like You - Ágúst
2. Aðeins lengur - Bjarni Arason
3. Fire - Júlí og Dísa
4. RÓA - VÆB
5. Words - Tinna
6. Set me free - Stebbi JAK

Finnski Eurovision söngvarinn Käärijä, sem lenti í 2. sæti í Eurovision 2023 með lagið Cha Cha Cha, kemur fram ásamt sænsku sveitinni Hooja. Herra Hnetusmjör mun opna kvöldið og Hera Björk, sigurvegari Söngvakeppninnar í fyrra, syngur á sviðinu áður en hún afhendir verðlaunagripinn til sigurvegara kvöldsins.

Tengdar fréttir

Eurovision

Þjóðin bregst við: „Djöfull elska ég VÆB“

• VÆB vann Söngvakeppnina
• Stebbi JAK og Bjarni Ara þurftu að taka á honum stóra sínum
• Hatari kom Tinnu og Ágúst í vanda
• Mömmuspurning bræðranna kom hjónunum í opna skjöldu

» Fleiri tengdar fréttir

• Blogga um frétt