Ákvörðun Eflingar kom í opna skjöldu
Setja bókamerki
Það kom Samtökum fyrirtækja í velferðarþjónustu (SFV) að óvörum er Efling sagði upp kjarasamningum félagsmanna sem vinna á hjúkrunarheimilum í dag.
Þetta kemur fram í tilkynningu frá samtökunum sem undir kvittar Sigurjón Norberg Kjærnested, framkvæmdastjóri SFV.
Harma óvissuna sem upp er komin
„Samtök fyrirtækja í velferðarþjónustu Samtök fyrirtækja í velferðarþjónustu harma þá óvissu sem upp er komin í kjölfar uppsagnar Eflingar á kjarasamningi sem gerður var þann 2. október síðastliðinn. Vinna um mönnun á hjúkrunarheimilum stendur enn yfir,“ segir í tilkynningunni.
Þá hafa heilbrigðisráðherra sem og fjármálaráðherra, samkvæmt forsendum kjarasamningsins, frest til 1. apríl til að bregðast við tillögum starfshóps sem skilað var í febrúar.
Lýsir yfir eindregnum vilja að halda áfram
„Það kemur því SFV í opna skjöldu að samningnum sé nú sagt upp fyrirvaralaust. SFV lýsir yfir eindregnum vilja að halda áfram með og ljúka þeirri vinnu í samvinnu við alla hagsmunaaðila eins og forsendur kjarasamningsins kveða á um,“ segir í tilkynningunni.
Í samtali við mbl.is fyrr í dag sagði Sólveig Anna Jónsdóttir, formaður Eflingar, tillögur hópsins hafa verið „með öllu ófullnægjandi.“
Síminn dæmdur til að greiða 400 milljónir
Minnist Hackmans og fagnar tilveru hans
Nafn mannsins sem lést á Þingvallavegi
Kaflaskil á landsfundi um helgina
Enginn ber ábyrgð
Verðbólgan lækkar í 4,2%
Byggingaráform um Þjóðarhöll óbreytt
Vilja fá fjármálaupplýsingar án dómsúrskurðar