Stjórnvöld framkvæmdaraðilar auðstéttar?
Setja bókamerki
Í nýjasta þætti Spursmála er upp á ýmsu bryddað. Þátturinn var sýndur hér á mbl.is fyrr í dag en upptöku af honum má nálgast í spilaranum hér að ofan, á Spotify og YouTube og er hún öllum aðgengileg.
Kjarasamningar kennarastéttar
Svo virðist sem nýir kjarasamningar við kennarastéttina muni draga alvarlegan dilk á eftir sér. Risasamningar sem gerðir voru við 85% vinnumarkaðarins í fyrra gætu komist í uppnám.
Þetta má ráða af viðbrögðum aðila vinnumarkaðarins í kjölfar þess að það spurðist út að kostnaður við kennarasamningana fyrrnefndu væri metinn á allt að 24% yfir fjögurra ára tímabil. Í fyrra náðist sátt á vinnumarkaði með jafn löngum samningi sem skila átti ríflega 14% hækkun að meðaltali.
Sólveig Anna Jónsdóttir, formaður Eflingar hefur sterka skoðun á stöðunni sem komin er upp og er hún gestur Spursmála að þessu sinni. Einnig heyrist þungt hljóð í atvinnurekendum en fulltrúi þeirra, Sigríður Margrét Oddsdóttir, framkvæmdastjóri Samtaka atvinnulífsins mun setjast við Spursmálaborðið ásamt Sólveigu Önnu og greina stöðuna sem er í meira lagi viðkvæm.
Er stjórnarskráin brotin?
Að því loknu mun Helgi I. Jónsson, fyrrum hæstaréttardómari ræða við Stefán Einar um framkvæmd hinnar svokölluðu samfélagsþjónustu sem verið hefur hluti af refsivörslukerfinu hér á landi allt frá árinu 1995. Segir hann alvarlegar brotalamir á kerfinu.
Hvað hyggst Trump fyrir í Úkraínu?
Þá mun Albert Jónsson, fyrrum sendiherra og alþjóðamálaráðgjafi forsætisráðherra mæta til leiks og ræða stöðuna í Úkraínudeilunni og hvað Trump hyggist fyrir í því afar viðkvæma, og eldfima máli.
Samfélagsmiðlabrölt stjórnmálanna
Í þættinum er einnig skyggnst inn í stjórnmálastarfið í landinu eins og það birtist á samfélagsmiðlum en Spursmálateymið hefur að undanförnu tekið saman glefsur af því hvernig stjórnmálamenn og -flokkar birtast þjóðinni á hverjum tíma á Instagram, Facebook og TikTok.
Ekki missa af Spursmálum hér á mbl.is þar sem hressilegasta samfélagsumræðan á sér fastan sess alla föstudaga klukkan 14.
Mun trufla alla kjarasamninga
„ESB var ekki stofnað til að svindla á neinum“
„Hefur mikla þýðingu fyrir okkur“
„Við erum á rosalega hættulegri vegferð“
Örlög Leigufélags aldraðra sorgleg
Nafn mannsins sem lést á Þingvallavegi
Ákærður fyrir manndráp eftir að hafa týnst í kerfinu