Bullandi hálka og versnandi veður
Setja bókamerki
„Ég get alveg fullyrt það að það er bullandi hálka,“ segir Stefán Már Kristinsson, varðstjóri slökkviliðsins á höfuðborgarsvæðinu, í samtali við mbl.is.
Hvetur hann fólk til þess að fara varlega vegna hálkunnar, hvort sem er í umferðinni eða annars staðar.
Slökkviliðið hefur þó lítið þurft að sinna útköllum vegna hálkuslysa í dag.
Tvær bílveltur urðu með skömmu millibili á sjötta tímanum í dag, önnur í Kollafirði en hin í Breiðholti. Ekki urðu alvarleg slys á fólki.
Versnandi veður
Gular veðurviðaranir er í gildi í Breiðafirði, Faxaflóa, höfuðborgarsvæðinu, Suðurlandi og Suðausturlandi.
Spáð er versnandi veðri í kvöld og í nótt og verða appelsínugular viðvaranir í gildi frá því seint í kvöld og fram á nótt á Ströndum og Norðurlandi vestra, Breiðafirði, Faxaflóa og Suðurlandi.
Óvissustig, hálka og lokanir
Hálka er á flestum leiðum á höfuðborgarsvæðinu og búist er við versnandi veðri sem gæti haft áhrif á umferð, að því er segir á vefsíðu Vegagerðarinnar, umferdin.is.
Óvissustig var á Reykjanesbrautinni, Grindavíkurvegi og Kjalarnesi frá hádegi og til klukkan 18 í kvöld.
Búist er við því að veðrið muni hafa áhrif á færð á Hellisheiði, Þrengslum og Mosfellsheiði en þessar leiðir eru á óvissustigi til klukkan 5 í fyrramálið. Gæti komið til lokana með stuttum fyrirvara.
Holtavörðuheiði er enn lokuð en óvissustig er á Vatnaleið, Fróðárheiði, Svínadal, Bröttubrekku og við Hafnarfjall. Sömuleiðis gæti komið til lokana á þessum leiðum með stuttum fyrirvara.
Mjög erfið akstursskilyrði eru á Öxnadalsheiði.
Dansk-norskt varnarsamstarf rætt
„Evrópa þarf að stíga upp“
Kallar gamla félaga heim
Tveir lentu í sjónum við bryggjuna á Akranesi
Túristar rétt sluppu við ölduna
„Það mun ekki standa á mér að þétta raðirnar“
Bretar og Frakkar munu vinna að friði með Úkraínu