Gular viðvaranir fram eftir morgni
Vindaspá á landinu klukkan 9.
Kort/Veðurstofa Íslands
Setja bókamerki
Gular viðvaranir eru í gildi á mestöllu landinu vegna hvassviðris eða storms og hríðarveðurs en flestar þeirra falla úr gildi þegar líða tekur á morguninn.
Í hugleiðingum veðurfræðings á Veðurstofu Íslands segir að djúp lægð úti fyrir Norðvesturlandi beini til okkar éljalofti en hiti er nærri frostmarki víðast hvar.
Veðurviðvaranir eru í gildi, en benda þarf á að aðstæður til ferðalaga eru víða varasamar fram eftir morgni.
Eftir hádegi nálgast úrkomusvæði nýrrar lægðar úr suðri og með kvöldinu má búast við slyddu eða snjókomu víða um land. Hlýnar þó smám saman syðra og fer að rigna þar.
Á morgun snýst svo aftur í suðvestanátt með éljum, en styttir jafnframt upp um landið norðaustanvert. Dregur síðan úr vindi og kólnar smám saman seinnipartinn.
Skemmdir blasa við á Eiðsgranda og Ánanaustum
Tónmennt á daginn, pönk á kvöldin
Allt í rúst: „Þetta er rosalegt tjón“
„Evrópa þarf að stíga upp“
Sjór, grjót og þari á veginum: Gæti komið til lokana
„Skrítið þegar maður fær svona mikinn tíma skyndilega“
Túristar rétt sluppu við ölduna