Kennarar samþykkja kjarasamning
Setja bókamerki
Félagsmenn innan Kennarasambands Íslands hafa samþykkt kjarasamning sambandsins við ríki og sveitarfélög.
Í tilkynningu frá Kennarasambandinu segir að samningurinn hafi verið samþykktur með yfirgnæfandi meirihluta. Sögðu 7.878 félagsmenn, eða 92,85%, já við tillögunni. Alls sögðu 517, eða 6,09%, nei.
Þá voru 90 auðir seðlar sem samsvara 1,06%.
Atkvæðagreiðsla um samninginn hófst 28. febrúar.
Gildir út mars 2028
Um er að ræða í raun fjórðu innanhússtillögu ríkissáttasemjara og var hún undirrituð af samninganefndum síðla kvölds 25. febrúar í Karphúsinu.
Kjarasamningurinn gildir út mars 2028 og felur í sér 24 prósenta launahækkanir yfir tímabilið.
Í samningunum er forsenduákvæði sem gerir kennurum kleift að segja honum upp á samningstímanum, séu ákveðin skilyrði ekki uppfyllt.
Fréttin verður uppfærð.
Setja fram plan um „endurhervæðingu Evrópu“
Þingmennirnir mega ekki vera stikkfrí
„Það sem við vonum að verði sparkað áfram“
Vilja ráðast í umfangsmikla fækkun stofnana
Kennarar samþykkja kjarasamning
Trump setur á tolla: Kína og Kanada bregðast við
Öll hernaðarstarfsemi á Gasa leggist af