Sigríður Á. Andersen, þingmaður Miðflokksins, gagnrýndi nýjan borgarstjórnarmeirihluta Reykjavíkur á þingi í dag, en þar gerði hún að umtalsefni ákvörðun borgarinnar um að heimila Alvotech ekki að byggja leikskóla í borginni.

Greint var frá því í gær að borgarstjórnarmeirihlutinn hygðist ekki veita Alvotech leyfi til þess að byggja leikskóla sem myndi þjóna starfsfólki fyrirtækisins.

Frétt af mbl.is

Hyggjast ekki leyfa Alvotech að byggja leikskóla

„Nýjasta fréttin er sú, frá því í morgun, að þessi nýi borgarstjórnarmeirihluti, allur skipaður konum, sem er leiddur af konum, ætlar að banna fólki að byggja leikskóla, banna að byggja leikskóla. Ég hef þó þær fréttir fyrir borgarstjórn Reykjavíkur, þennan borgarstjórnarmeirihluta, að það bannar auðvitað enginn neinum að byggja leikskóla eða reka leikskóla. Hér er sem betur fer í gildi stjórnarskrá, þessi gamla góða — ég vek athygli á því: þessi gamla góða — sem enn þá stendur vörð um atvinnufrelsi manna og jafnræði,“ sagði Sigríður.

Hún bætti við að ef einhver hefði áhuga á því að byggja og reka leikskóla „munu engar kryddpíur í borgarstjórn Reykjavíkur banna það.“ Þá velti Sigríður vöngum yfir því hvernig það geti borgarstjórnarmeirihlutanum til hugar að það sé til heilla fyrir Reykvíkinga að taka ekki á leikskólamálunum.

Tengdar fréttir

Alþingi

Dregið verður úr umsvifum Rúv á samkeppnismarkaði

• „Stórkostlega brenglað rekstrarumhverfi“
• Vill setja af stað þjóðarátak í fæðuöryggi
• Ráðherra fellur frá ráðstöfun 600 milljóna
• „Engin miskunn gefin í því“

» Fleiri tengdar fréttir

• Blogga um frétt