Ríkið greiði nærri 46 milljónir í lögfræðikostnað
Setja bókamerki
Lögfræðikostnaður hryðjuverkamálsins, eftir að hafa farið í gegnum tvö dómsstig, kostar ríkissjóð tæplega 46 milljónir króna. Enn á eftir að koma í ljós hvort málið fari til Hæstaréttar.
Landsréttur dæmdi Sindra Snæ Birgisson og Ísidór Nathansson til þess að greiða lægra hlutfall af sakarkostnaði en Héraðsdómur Reykjavíkur hafði gert, eða úr fjórðungi í fimmtung.
Verjendur tvímenninganna, þeir Sveinn Andri Sveinsson og Einar Oddur Sigurðsson, sögðu í málflutningi sínum í Landsrétti að 95% af vinnu þeirra hafi farið í hryðjuverkahluta málsins. Því ætti ríkissjóður greiða reikninginn að langmestu. Sindri og Ísidór voru sýknaðir á báðum dómstigum fyrir þann hluta.
Þá fóru þeir fram á að málsvarnarlaun þeirra sem héraðsdómur ákvað yrðu endurskoðuð, alls 22 milljónir á hvorn lögmann.
Sveinn Andri sagði að tímaskýrslan hafi verið skrúfuð niður og taldi hann sig einungis hafa fengið greidda um 60% af vinnunni.
Greiða tæplega 6 milljónir hvor
Landsréttur staðfesti málsvarnarlaun lögmannanna eins og hann var ákvarðaður í héraði, en líkt og áður segir greiða Sindri og Ísidór fimmtung en ekki fjórðung. Þá greiðir Sindri fimmtung af þóknun verjanda síns á rannsóknarstigi sem voru samtals 2 milljónir króna.
Þá greiða meannirnir einnig fimmtung málsvarnarlauna verjanda sinna fyrir Landsrétti. Laun verjanda Sindra nema 6 milljónum alls og verjanda Ísidórs 5 milljónum alls.
Samtals greiðir ríkissjóður því tæplega 46 milljónir í málsvarnarlaun hryðjuverkamálsins í héraði og fyrir Landsrétti. Sindri mun þurfa að greiða 6 milljónir króna og Ísidór 5,4 milljónir króna.
Þá greiða Sindri og Ísidór óskipt fimmtung hluta annars áfrýjunarkostnaðar, sem í heild nemur 1.354.466 krónum.
Allt að 200 dauðsföll rakin beint til sjúkdómsins
Leikskólar fyrst og fremst fyrir börn, ekki foreldra
Hafna baktjaldamakki Trumps og kosningum á stríðstíma
Sýknaðir og fá vægari dóma
Hnífar, fíkniefni og stríðsástand á Stuðlum
„Raunveruleikinn sem við horfumst í augu við í dag“
Kristrún: Góð samskipti við Bandaríkin skipta sköpum
„Þessar ákvarðanir þarf að taka núna“