Tveir voru fluttir á sjúkrahús alvarlega slasaðir

Báðir farþegarnir í jepplingnum sem rakst á við rútu á Vesturlandi fyrr í dag voru fluttir á sjúkrahús alvarlega slasaðir. Minniháttar meiðsli voru á farþegum rútunnar.

Þetta segir Ásmund­ur Krist­inn Ásmunds­son, yf­ir­lög­regluþjónn hjá lög­regl­unni á Vest­ur­landi, í sam­tali við mbl.is.

Einn farþeginn var fluttur með þyrlu á sjúkrahús en hinn farþeginn var fluttur með sjúkrabíl. Samkvæmt upplýsingum frá lögreglu fyrr í dag var sagt að þrír hefðu verið í jepplingnum, en Ásmundur segir nú að þeir hafi verið tveir.

Frétt af mbl.is

Á þriðja tug í bifreiðunum: Einn fluttur á sjúkrahús

Alvarlegt slys

Um 20 manns voru í rútunni en Ásmundur segir að lítil meiðsli hafi verið meðal farþega.

Slysið átti sér stað á þriðja tím­an­um í dag við gatna­mót­ Bröttu­brekku og Þjóðveg­ar 1 á Vest­ur­landi.

Hann ítrekar að um alvarlegt slys sé að ræða sem lögreglan sé með til rannsóknar. Hann getur ekki tjáð sig um það hvort að bifreiðarnar hafi skollið saman.

Ekki verða veittar frekari upplýsingar að svo stöddu.

• Blogga um frétt