Innlent | Morgunblaðið | 8.3.2025 | 21:02

Niðurgreiðsla rafbíla versta loftslagsaðgerðin

Daði Már lagði frumvarpið fram á Alþingi fyrir fáeinum dögum. Morgunblaðið/Árni Sæberg

„Niðurgreiðsla rafmagnsbíla er ekki bara óskilvirk leið til að draga úr losun gróðurhúsalofttegunda, heldur sú versta,“ segir Sigríður Á. Andersen alþingismaður Miðflokksins í samtali við Morgunblaðið, en fyrr í vikunni kom til orðaskipta á milli hennar og Daða Más Kristóferssonar fjármálaráðherra, þegar fram fór umræða um frumvarp ráðherrans um kílómetragjald á ökutæki.

Sigríður segir að í frumvarpinu komi fram að kerfisbreytingin sem frumvarpinu sé ætlað að stuðla að sé með vísan til aðgerða í loftslagsmálum og orkuskipta. Vísað sé í frumvarpinu til niðurgreiðslu á rafmagnsbílum sem sé aðgerð sem halda eigi áfram með.

Sigríður Á. Andersen, þingmaður Miðflokksins. mbl.is/Kristinn Magnússon

„Þess vegna spurði ég fjármálaráðherra hvort hann væri ekki meðvitaður um skýrslu Hagfræðistofnunar sem var ábatagreining á aðgerðum stjórnvalda í loftslagsmálum,“ segir Sigríður, en Daði Már Kristófersson var einmitt forstöðumaður Hagfræðistofnunar þegar skýrslan kom út árið 2022, en hún var unnin að beiðni umhverfis-, orku- og loftslagsráðherra.

Nánari umfjöllun er að finna í Morgunblaðinu í dag.