Einn lést í bílslysinu í dag

Einn var úrskurðaður látinn á vettvangi eftir alvarlegt umferðarslys skammt frá bænum Krossi á milli Djúpavogs og Breiðdalsvíkur í dag.

Þetta kemur fram í tilkynningu lögreglu.

Tvö ökutæki sem ekið var úr gagnstæðum áttum skullu saman. Tveir voru í hvorri bifreið.

„Einn var úrskurðaður látinn á vettvangi en aðrir voru fluttir með þyrlum Landhelgisgæslunnar undir læknishendur á Landspítalann í Reykjavík,“ segir í tilkynningu.

Frétt af mbl.is

Tveggja bíla árekstur og vegurinn lokaður

Tvær þyrlur á vettvang

Lögreglunni á Austurlandi barst tilkynning um slysið klukkan 11.45 í dag og var strax ljóst að um alvarlegt slys hafi verið að ræða, að sögn lögreglu.

Allt tiltækt lið lögreglu var sent á staðinn, sjúkralið í Fjarðarbyggð og tækjabifreiðar frá Djúpavogi og úr Fjarðabyggð. 

Tvær þyrlur Landhelgisgæslunnar voru sendar á vettvang. Auk þess voru sjúkraflugvélar sendar austur.

Rannsókn á slysinu stendur yfir og býst lögregla við því að vegurinn verði lokaður fram á kvöld.

• Blogga um frétt